Metodo pedagogikoa
Bizi mugarik gabeko ikaskuntza-esperientzia. Prestatu etorkizuneko lan-merkatuan sartzeko 42 campusean.
42n elkarrekin ikasten dugu
PROIEKTUETAN OINARRITUTAKO IKASKUNTZA
42n, zeure ikaskuntza-prozesuaren ardura hartuko duzu. Ikasketa-plana guztiz praktikoa da, eta proiektuak garatzean eta askotariko erronkak gainditzean datza.
PEER-TO-PEER
42ko kide egiten bazara, ez duzu irakaslearen rola hartuko duen aditurik izango zure alboan. Aurrean izango dituzun erronkei zeuk bilatu beharko dizkiezu erantzunak, eta horretarako zurekin batera ikasten ari direnen laguntza izango duzu. Lan egiteko modu horrek aurrera egiten eta lanerako zein harremanetarako trebetasunak hobetzen lagunduko dizu. Parekoen arteko ikaskuntzak etengabe aldatzen ari den lan-munduan moldatzeko prestatuko zaitu.
HUTS EGINEZ AURRERA EGIN
Akatsak ez dira bidearen amaiera. Aurrera egiteko, saiatu, egindako akatsak ulertu, zuzendu eta berriro probatu beharko duzu. 42n, zeure irtenbideak bilatzera bultzatzen zaitugu, eta ikasitakoa besteekin partekatzea ezinbestekoa da. Huts egitea ez da porrota, ikaskuntza-prozesuaren parte baizik.
PAREKOEN ARTEKO EBALUAZIOA
Hezkuntza-eredu tradizionalean, ebaluazioa ikaskuntza-prozesuaren amaieran egin ohi da. 42n, aldiz, etengabea da eta ikasleen artean egiten da. Besteen lana aztertzen eta baloratzen ikasiko duzu, eta zure ikaskideek ere zure lana ebaluatuko dute, campuseko ikaskuntza-eredu bereziari jarraituz. Ebaluatzeko modu horrek elkarrizketa eta hausnarketa sustatzen ditu. Gainera, ezagutza eta esperientzia partekatzeko aukera ematen du, aholkuen, jardunbide egokien eta proiektu berari buruzko ikuspegi desberdinen bidez. Eta, batez ere, elkarrekin ikasteko aukera ematen du.
JOLAS-DINAMIKETAN OINARRITUTAKO IKASKUNTZA
42k motibazioa sustatzen duen ingurunea eskaintzen du, ikaskuntzaren kalitatea eta campuseko ikasleen ongizatea hobetzeko. Ikasketa-planean aurrera egin ahala, lorpenak eskuratuko dituzu eta zirkulu zein maila berriak desblokeatuko dituzu. Ikasle-esperientziak zeure burua gainditzera eta besteekin partekatzera bultzatuko zaitu, gaitasun eta trebetasun berriak eskuratzen dituzun bitartean.
TALDE LANA
42n elkarlana eta talde-lana sustatzen dira. Metodologiak ikasleak beren ideiak, zalantzak eta erronkei aurre egiteko ikuspegiak partekatzera bultzatzen ditu.
KLASE MAGISTRALIK ETA IRAKASLERIK GABE
Metodologia berritzaile honi esker, 42n ez dago klase magistralik. Proiektuek, mailek, ebaluazioek eta azterketek osatutako ikaskuntza-esperientzia duzu eskura. Bertan, zu eta zure ikaskideak zarete protagonistak eta aurrera egiteko ardura duzuenak. Horretarako, taldean lan egin, komunitatearekin elkarlanean aritu, erronkak gainditu eta zure parekoekin ezagutza zein esperientzia partekatu beharko dituzu.
Bai, asko! Campusa etengabeko mugimendua duen gunea da: lan-saioak, hackathonak, tailerrak, hitzaldiak eta beste hainbat ekimen antolatzen dira.
Ikasleek zein enpresek kalitatezko prestakuntza-edukiak sortzeko proposamenak egitea nahi dugu, campusari balio handiagoa emateko.
Bai, noski! Gure ateak beti egongo dira ikasleentzat zabalik. Gure campusean prestatu diren pertsonak nahi dutenean itzul daitezke ikasten jarraitzeko.
42ko metodoaren ezaugarri bereizgarrietako bat komunitatea da.
Espezializazioko proiektu jakin batzuk osatzen dituzten ikasleek RNCP —Répertoire National des Certifications Professionnelles— ziurtagiria eskuratu ahal izango dute. Frantziako Gobernuko Lan Ministerioak ofizialki aitortutako lanbide-ziurtagiria da, eta Europa osoan du balioa Europako Kualifikazioen Esparruaren bidez.
42k, ordea, ez du Espainiako prestakuntza arautuaren sistemako titulazio akademiko ofizialik ematen.
42ko metodoa parekoen arteko ikaskuntzan oinarritzen da. Ikasleek beren kabuz eta taldean egiten diete aurre erronkei, beste ikasleekin elkarlanean.
Frantziako lanbide-ziurtagirien katalogo ofiziala da. Lan-esperientziaren edo prestakuntza ez-arautuaren bidez eskuratutako gaitasun profesionalak egiaztatzen ditu, eta Europa mailan du balioa Europako Kualifikazioen Esparruari esker.
Espainian ez du baliokidetasun akademiko zuzenik, baina Europako enpresek aintzatespen handia ematen diote, lanbide-gaitasun aurreratuen egiaztagiri gisa. Europass gehigarria ere badu; bertan, lortutako ikaskuntza-emaitzak eta ziurtagiri horren bidez eskura daitezkeen lanbideak zehazten dira.
42 parekoen arteko ikaskuntzan oinarritzen da. Ikaskuntza-inguruneak erantzunak zeure kabuz bilatzera eta ikasten berrikastera bultzatzen zaitu; hain zuzen ere, hori da garatuko duzun gaitasunik garrantzitsuenetako bat.
Hala ere, talde pedagogiko bat dago, ikaskuntza-inguruneak behar bezala funtzionatzen duela eta pertsona guztiek aurrera egiten dutela bermatzeko.
Hori nahi baduzu, bai, noski. Litekeena da, ordea, gaitasun eta interes berriak garatzea eta mundu digitalarekin lotutako bestelako lanpostuak aurkitzea.
Teknologiak eta eraldaketa digitalak sektore guztietako enpresa eta erakundeei eragiten diete. Gainera, arlo horretako lanpostuak diziplina anitzekoak izan ohi dira.
Ikasleek elkarrengandik ikasten duten hezkuntza-eredua da. Elkarlanean aritzen dira, erronkak partekatu eta gainditzen dituzte eta, batez ere, elkarren lana ebaluatzen dute.
Prestakuntza osatzeak mundu digitaleko lanpostu askotarako ateak irekiko dizkizu: startupetatik hasi eta mundu mailako enpresa handietaraino, gaur egun dauden lanpostuetan nahiz oraindik sortzeke daudenetan.
Bilatu Interneten “mundu digitaleko lanpostuak”, eta ikusiko duzu zenbat aukera dauden. 42n ikasten berrikasten duzu, lan-merkatuan aurkituko duzun edozein erronkari aurre egiteko.
Ikasteko modu honetan, gai bati buruzko ezagutzak sakontzen dira benetako egoeretako arazo eta erronkei aktiboki helduz. Jarraibideak bete eta edukiak buruz ikasi beharrean, praktikan arituz eta modu kritikoan pentsatuz ikasten da.
