Zer da 42 Urduliz Bizkaia?
42 Urduliz Bizkaia programazioa ikasteko doako berrikuntza- eta talentu-campusa da. Bertan zu zara protagonista.
42 Nortasuna
Nor gara?
42 Urduliz Bizkaiak, Fundación Telefonicaren programazio campusak, 2021eko apirilean ireki zituen ateak. Urduliz Dorrean kokatua, Espainian ireki zen 42 sareko bigarren campusa da.
Instalazioek 2.400 m2-ko azalera dute eta aldi berean ia 200 ikasle hartzeko gaitasuna. 192 ordenagailu ditu.
Fundación Telefónicak eta Bizkaiko Foru Aldundiak finantzatzen duten 42 Urduliz Bizkaia programazio-campus bat baino askoz gehiago da. Programazioa ikasteko gunea izateaz gain, bertan ezagutza teknikoak eta lan-munduan ezinbestekoak diren trebetasunak lantzen dira, hala nola talde-lana, sormena, autonomia eta arazoak konpontzeko gaitasuna. Doako eta aurrez aurreko prestakuntza-eredu berritzaile baten bidez, enpresek gehien eskatzen dituzten lanbide digitaletan aritzeko prestatuko zaitu.
Esperientzia paregabea
- Ikasteko metodo berritzailea eta guztiz doakoa, 18 urtetik gorako edonorentzat irekia. Ez da titulaziorik ezta aurretiazko ezagutza teknikorik ere behar.
- “Ikasten berrikastea” ardatz duen filosofia. Gamifikazioan eta ikasleen arteko elkarlaneko ikaskuntzan —peer to peer ereduan— oinarritutako metodologia da: ez dago libururik, ordutegi finkorik ezta klase magistralik ere.
- Teknologiarekin lotutako ezagutzak ez ezik, lanerako eta eguneroko erronkei aurre egiteko ezinbestekoak diren trebetasunak ere garatzen dira: autonomia, erresilientzia, aldaketetara egokitzeko gaitasuna, frustrazioari aurre egiteko ahalmena, sormena eta, batez ere, talde-lana.
- Gaur egungo aro teknologikoaren etengabeko aldaketetara egokitutako ikaskuntza-eredua da. Ez dugu AA (Adimen Artifiziala) erabiltzen irakasten: AA eraikitzen irakasten dugu. Prestakuntza-programa askok tresnak erabiltzen irakastea dute helburu; 42n, berriz, ikasleek AA sistemek nola funtzionatzen duten, nola diseinatzen diren, benetako datuekin nola konektatzen diren eta modu seguru eta fidagarrian nola ezartzen diren ikasten dute.
KODEAZ HARATAGO
%93k
enplegu bat du
42 sareko Alumni ikasleen %93k besteren konturako edo norberaren konturako lan egiten du.
%96k
IT sektorean lan egiten du
Beren prestakuntza 42n osatu ondoren, ikasleak prest daude IT sektorean enplegu bat lortzeko.
%95k
42 gomendatzen du
%94k
ikasi zuen eskualdean lan egiten du
42k tokiko katalizatzaile gisa jarduten du, talentua erakarriz eta eskualdeko ekosistemetan integratuz.
%97k
42 berritzailetzat jotzen dute
Ikasleek 42 ikaskuntza-metodoa oso berritzailea dela uste dute. Izan ere, prestakuntza-ibilbidea etengabe aldatzen da lan-merkatuaren benetako eskaerari erantzuteko.
Hau ere zuretzat interesgarria izan daiteke
Ohiko galderak
Bai, noski! 42ko metodologia gure ate irekien jardunaldietan edo Open Dayetan ezagutu ahal izango duzu. Horrez gain, Piscine Discovery Web esperientziaren bidez, bost egunez eta presentzialki ezagutu ahal izango duzu campusean nola ikasten den.
Informazio guztia hemen duzu eskuragarri.
Pertsona bakoitzak behar duen denbora. Ikasle bakoitza desberdina dela uste dugu, eta bere erritmoan ikasteko aukera izan behar duela.
“Common Core” fasea 12 hilabete inguruan egitea gomendatzen da, eta gehienez 18 hilabetean osatzea.
Espezializazio-faseak —8. mailatik 21.era— bost urte eta erdira arte iraun dezake.
Cursusak, gainera, bi praktikaldi ditu barne.
Bai. Hala ere, 42k ez du urrutiko prestakuntzarik eskaintzen. Hautaketa-prozesua eta ikasketa-plan osoa presentzialki egin behar dira campusean.
Bai, asko! Campusa etengabeko mugimendua duen gunea da: lan-saioak, hackathonak, tailerrak, hitzaldiak eta beste hainbat ekimen antolatzen dira.
Ikasleek zein enpresek kalitatezko prestakuntza-edukiak sortzeko proposamenak egitea nahi dugu, campusari balio handiagoa emateko.
42k ez du bisarik izapidetzen edo ematen. Interesa duten pertsonek dagokien enbaxadan edo kontsulatuan eskatu beharko dute informazioa.
Nazioarteko hautagaiek gure taldearekin harremanetan jar daitezke onarpen-plataformaren bidez, Piscinean parte hartzeko gonbidapen-gutuna eskatzeko.
Bai, noski! Gure ateak beti egongo dira ikasleentzat zabalik. Gure campusean prestatu diren pertsonak nahi dutenean itzul daitezke ikasten jarraitzeko.
42ko metodoaren ezaugarri bereizgarrietako bat komunitatea da.
Campusean gaztelania eta euskara erabiltzen da batez ere. Hala ere, oinarrizko ingeles-maila izatea gomendatzen da, ikaskuntza errazteko.
Espezializazioko proiektu jakin batzuk osatzen dituzten ikasleek RNCP —Répertoire National des Certifications Professionnelles— ziurtagiria eskuratu ahal izango dute. Frantziako Gobernuko Lan Ministerioak ofizialki aitortutako lanbide-ziurtagiria da, eta Europa osoan du balioa Europako Kualifikazioen Esparruaren bidez.
42k, ordea, ez du Espainiako prestakuntza arautuaren sistemako titulazio akademiko ofizialik ematen.
42ko metodoa parekoen arteko ikaskuntzan oinarritzen da. Ikasleek beren kabuz eta taldean egiten diete aurre erronkei, beste ikasleekin elkarlanean.
Frantziako lanbide-ziurtagirien katalogo ofiziala da. Lan-esperientziaren edo prestakuntza ez-arautuaren bidez eskuratutako gaitasun profesionalak egiaztatzen ditu, eta Europa mailan du balioa Europako Kualifikazioen Esparruari esker.
Espainian ez du baliokidetasun akademiko zuzenik, baina Europako enpresek aintzatespen handia ematen diote, lanbide-gaitasun aurreratuen egiaztagiri gisa. Europass gehigarria ere badu; bertan, lortutako ikaskuntza-emaitzak eta ziurtagiri horren bidez eskura daitezkeen lanbideak zehazten dira.
