Pribatutasun politika

Pribatutasun Politika honen bidez, Fundación Telefónicak webgune honetako erabiltzaileei jakinarazten die haien datu pertsonalak gardentasunaren, helburua mugatzearen, datuak minimizatzearen, zehaztasunaren, osotasunaren eta konfidentzialtasunaren printzipioei jarraituz tratatuko direla. Era berean, 2016ko apirilaren 27ko Europako Parlamentuaren eta Kontseiluaren 2016/679 (EB) Erregelamenduan —pertsona fisikoak datu pertsonalen tratamenduari eta datu horien zirkulazio askeari dagokienez babesteari buruzkoan— eta abenduaren 5eko 3/2018 Lege Organikoan —Datu Pertsonalak Babesteari eta Eskubide Digitalak Bermatzeari buruzkoan— ezarritako gainerako betebeharrak eta bermeak errespetatuko dira.

Erabiltzaileen datu pertsonalak, kasuaren arabera, webgune honen bidez edo datu pertsonalak biltzeko formularioen bidez jasoko dira. Aipatutako araudia betetzeko eta, webgune honetako erabiltzaile zaren aldetik, zure datu pertsonalak nola biltzen, erabiltzen, tratatzen eta babesten diren ulertzen laguntzeko, Fundación Telefónicak datu pertsonalak babesteko duzun eskubidearekin lotutako honako alderdi hauen berri ematen dizu.

Webgune honen eta zure datu pertsonalak biltzeko dagozkion formularioen bidez jasotako datuak Fundación Telefónicak kudeatuko ditu. Erakunde horrek G-82086810 IFZ du, eta Hezkuntza eta Kultura Ministerioko Fundazioen Babesletzaren Estatuko Eskumeneko Kultura Fundazioen Erregistroan inskribatuta dago, 359 zenbakiarekin.

Egoitza soziala Madrilgo Gran Vía kaleko 28. zenbakian, 7. solairuan (28013 PK), dago.

Datu pertsonalak identifikatutako edo identifika daitekeen pertsona fisiko bati buruzko informazio oro dira. Ildo horretan, identifika daitekeen pertsona fisikotzat hartzen da, zuzenean edo zeharka, identifikatzaile baten bidez nortasuna zehaztu dakiokeen pertsona oro; esaterako, izen baten, identifikazio-zenbaki baten, kokapen-datuen, Interneteko identifikatzaile baten edo pertsona horren nortasun fisiko, fisiologiko, genetiko, psikiko, ekonomiko, kultural edo sozialari dagozkion elementu baten edo gehiagoren bidez.

Fundación Telefónicak webgune honetako erabiltzaileek formulario espezifikoen bidez ematen duten informazio pertsonala kudeatzen du, hainbat helbururekin. Besteak beste, Fundación Telefónicak garatzen dituen jarduerei buruzko informazioa jaso nahi duten erabiltzaileen eskaerei erantzuteko, edota erakundeak antolatutako ekitaldi eta jardueretan parte hartzearekin eta bertaratzearekin lotutako kudeaketak egiteko. Datuak minimizatzeko printzipioari jarraituz, kudeatu ahal izango ditugun datuak egokiak, beharrezkoak eta dagokien helburura mugatuak izango dira, eta erabiltzaile gisa adierazitako borondatea errespetatuko da beti.

Webgune honen eta Fundación Telefónicaren jardueraren esparruan, honako datu hauek kudeatu ahal izango dira:

• Identifikazio-datuak, hala nola izena, abizenak eta helbide elektronikoa eta, kasu batzuetan, posta-helbidea edo telefono mugikorraren zenbakia.
• Erabiltzailearen irudiak —argazkiak edo ikus-entzunezko grabazioak—, Fundación Telefónicak antolatutako ekitaldi, jarduera edo proiekturen batean presentzialki parte hartzen badu eta erakundeak irudi horiek jasotzen baditu.
• Bisita- eta nabigazio-datuak, webgune honetara sartzeko erabiltzen den gailuaren bidez eta cookien bitartez eskuratutakoak, hurrengo estekan azaltzen den bezala.

Aurrekoa gorabehera, Fundación Telefónicak zure datuak kudeatzen hasi aurretik, kudeatuko diren datu-kategoria zehatzen eta aplikatuko diren pribatutasun-baldintza espezifikoen berri emango zaizu. Era berean, beharrezkoa denean, zure baimena eskatuko da, indarrean dagoen araudiari jarraituz.

Fundación Telefónican zure datu pertsonalak zuk baimendutako helburuetarako baino ez ditugu kudeatzen, Pribatutasun Politika honetan edo dagokion pribatutasun-baldintza espezifikoetan ezarritakoaren arabera. Baldintza horien berri emango zaizu dagokion unean, eta datuak jasotzean behar bezala informatuko zaitugu.

Erabiltzaile eta interesdun zaren aldetik, zuk emandako informazio guztiaren erantzule bakarra izango zara, eta informazio hori emateko gaitasuna duzula eta, hala dagokionean, beharrezko baimena lortu duzula bermatu beharko duzu. Nolanahi ere, Fundación Telefónica ez da erabiltzaile batek emandako datu faltsu, oker, osatu gabe edo eguneratu gabeen erabileraren erantzule izango.

Zure datu pertsonaletan oinarrituta ez da inolako erabaki automatizaturik hartuko, eta datuak ez dira profilak egiteko erabiliko.

Fundación Telefónicak zure datu pertsonalekin egiten duen tratamenduaren legitimazio-oinarria kasu bakoitzean aplikagarriak diren baldintza espezifikoetan zehaztuko da. Hiru egoera bereizten dira:

• Berariazko baimena: normalean formulario baten bidez, Fundación Telefónicak eskatutako datu zehatzak eman ahal izango dituzu. Datu horiek bilketaren helburua betetzeko behar-beharrezkoak direnak baino ez dira izango.

Baimena eman aurretik, honako hauen berri emango zaizu: tratamenduaren arduradunaren nortasuna, tratamenduaren helburua eta oinarri juridikoa, erabil ditzakezun eskubideak, datuak hirugarrenei lagatzeko aukera, datuak gordetzeko epeak eta, hala badagokio, nazioarteko datu-transferentziak egingo diren ala ez. Zure datu pertsonalak bildu ziren helburu zehatzerako baino ez dira erabiliko.

Tratamendu horietarako emandako baimena edozein unetan kendu ahal izango duzu, Pribatutasun Politika honetako “Eskubideak baliatzea” atalean ezarritakoaren arabera.

• Interes legitimoa: interes legitimoa datuen tratamendua justifikatzeko oinarria izan daiteke, betiere Fundación Telefónicak aldez aurretik interes hori behar bezala aztertu eta haztatu badu. Oinarri horretan oinarritutako tratamenduei aurka egiteko eskubidea baliatu ahal izango duzu, Pribatutasun Politika honetako “Eskubideak baliatzea” atalean adierazitako helbideetara dagokion jakinarazpena bidalita.
• Legezko betebehar bat betetzea: Fundación Telefónicari, tratamenduaren arduradun den aldetik, aplikagarri zaion legezko betebeharren bat betetzea ere izan daiteke datuen tratamendurako legitimazio-oinarria.

Fundación Telefónicak jakinarazten du, datuak gordetzeko epea mugatzeko printzipioa betez, datuak beharrezkoa den denboran eta une bakoitzean bildu ziren helburuetarako baino ez direla tratatuko. Beraz, interesdunak identifikatzeko aukera ematen duen moduan gordeko dira, datu pertsonalen tratamenduaren helburuak betetzeko beharrezkoa den denbora baino gehiagoz ez.

Kasu bakoitzean ezarritako epeak igarotakoan, datuak ezabatu, blokeatu edo anonimizatu ahal izango dira, dagokionaren arabera eta aplikagarria den legedian ezarritakoari jarraituz.

Datuak ezabatzeko eskatuz gero, beharrezkoa den denboran blokeatuta mantenduko dira eta haien tratamendua mugatu egingo da, honako kasu hauetakoren baterako soilik: aplikagarriak zaizkigun edozein motatako legezko edo kontratuzko betebeharrak betetzeko; gure erantzukizunak preskribatzeko legez ezarritako epeak bete arte; edota datuen titularrarekin izandako harremanaren ondoriozko erreklamazioak aurkezteko edo horien aurrean defendatzeko.

Aplikagarria den araudian ezarritakoaren arabera, Fundación Telefónicak erabiltzaileari jakinarazten dio honako eskubide hauek dituela, eta erakundearen aurrean baliatu ahal izango dituela:

• Sarbidea: datuen titularrari aukera ematen dio Fundación Telefónicak berari buruzko datu pertsonalak tratatzen dituen jakiteko eta, hala bada, tratatzen ari diren bere datu pertsonalei buruzko informazioa eskuratzeko.
• Zuzenketa: okerrak zuzentzeko eta zehaztugabeak edo osatu gabeak diren datuak aldatzeko aukera ematen du.
• Ezabatzea: datuak ezabatzeko eta Fundación Telefónicak horiek tratatzeari uzteko aukera ematen du, salbu eta datuak gordetzeko legezko betebeharra badago edo tratamendua justifikatzen duen beste arrazoi legitimoren bat nagusitzen bada.
• Mugatzea: legeak ezarritako baldintzetan, datuen tratamendua eteteko aukera ematen du. Horrenbestez, Fundación Telefónicak ez ditu datuak etorkizunean tratatuko, eta erreklamazioak aurkezteko edo horien aurrean defendatzeko beharrezkoak direnean baino ez ditu gordeko.
• Aurka egitea: egoera jakin batzuetan eta interesdunaren egoera pertsonalarekin lotutako arrazoiengatik, interesdunak bere datuen tratamenduari aurka egin ahal izango dio. Fundación Telefónicak datuak tratatzeari utziko dio, salbu eta tratamenduarekin jarraitzeko ezinbesteko arrazoi legitimoak badaude edo erreklamazioak aurkezteko nahiz horien aurrean defendatzeko beharrezkoa bada.
• Eramangarritasuna: interesdunari aukera ematen dio Fundación Telefónicari eman dizkion bere datu pertsonalak jasotzeko eta zuzenean beste tratamendu-arduradun bati helarazteko, formatu egituratu, erabilera arrunteko eta irakurketa mekanikoko batean. Eskubide hori baliatzeko, eskatzaileak baliozko helbide elektroniko bat eman beharko du.

Aurretik Fundación Telefónicari emandako baimena kentzea.

Fundación Telefónicak beharrezko neurriak hartuko ditu eskubide horiek doan baliatu ahal izango direla bermatzeko.

Erabiltzaile gisa, aurretik aipatutako eskubideak bi bidetatik baliatu ahal izango dituzu. Eskaeran, beti adierazi beharko duzu zer eskubide baliatu nahi duzun, eta gutxienez zure helbide elektronikoa eta identifikatzeko beharrezkoak diren oinarrizko datu pertsonalak —izena eta abizenak— eman beharko dituzu, Fundación Telefónicari tratatzeko baimena eman zenizkion datuekin bat etor daitezen:

• Posta arruntaren bidez: Fundación Telefónica, Pribatutasunaren arduradunari zuzenduta, Gran Vía kalea 28, 28013 Madrid.
• Posta elektronikoaren bidez: rgpd@fundaciontelefonica.com helbidera idatzita.

Indarrean dagoen legediak ezartzen duen bezala, Fundación Telefónicak gehienez ere hilabeteko epean erantzungo dio eskubide horiek baliatzeko eskaerari. Hala ere, eskaeraren konplexutasunaren arabera, eskubide jakin batzuk erabat gauzatzeko epea luzeagoa izan daiteke; edonola ere, luzapen hori ez da bi hilabete baino gehiagokoa izango.

Gainera, zure eskubideak baliatzean erantzun egokirik jaso ez baduzu, Datuak Babesteko Espainiako Bulegoan ere erreklamazioa aurkez dezakezu:

Datuak Babesteko Espainiako Bulegoa
Jorge Juan kalea, 6 – 28001 Madrid
Telefonoak: 901 100 099 / 91 266 35 17
www.aepd.es

Fundación Telefónicak erabiltzaileari bere datu pertsonalak bildu aurretik emandako informazio espezifikoan bestelakorik adierazten ez bada, datu horiek ez zaizkie hirugarrenei lagako, eta ez da, inola ere, nazioarteko datu-transferentziarik egingo.

Aurrekoa ez da aplikatuko datuak jakinaraztea indarrean dagoen legediaren arabera nahitaezkoa den kasuetan.

Bestalde, kasu bakoitzean zehaztutako tratamendu-helburuak betetzeko, Fundación Telefónicak hirugarren zerbitzu-hornitzaileen esku utzi ahal izango du datu pertsonalen tratamendua; esaterako, ikus-entzunezko grabazioak egiteko, instalazioetarako sarbide-kontrola kudeatzeko edo aplikazio informatikoak kudeatzeko.

Kasu horietan, Fundación Telefónicak bermatzen du zerbitzu-hornitzaileak hautatzeko irizpiderik zorrotzenak aplikatuko dituela, datuen babesaren arloan dituen betebeharrak behar bezala betetzeko. Horretarako, aplikagarriak diren datuak babesteko akordioak sinatuko ditu hornitzaile horiekin.

Fundación Telefónicak zure datuen, komunikazioen eta informazio pertsonalaren segurtasuna, sekretua eta konfidentzialtasuna bermatzeko konpromisoa du. Horregatik, indarrean dagoen legedia betez, segurtasun-neurri eta baliabide tekniko egokiak ezarri ditugu datuak galtzea, behar ez bezala erabiltzea edo zure baimenik gabe haietara sartzea saihesteko.

Zure datu pertsonalak jasotzen ditugunean, baimenik gabeko sarbide oro eragozteko segurtasun-prozedura eta -mekanismo zorrotzak erabiltzen ditugu. Horrela, Fundación Telefónicak neurri tekniko eta antolaketa-neurri egokiak ezartzen ditu bere informazio-sistemetan, erantzukizun proaktiboaren eta diseinutik bertatik pribatutasuna bermatzearen printzipioak betez.

Neurri horien helburua da gordetako datuen segurtasuna eta konfidentzialtasuna bermatzea eta datuak aldatu, galdu edo baimenik gabe tratatu nahiz eskuratzea saihestea. Horretarako, kontuan hartzen dira teknologiaren unean uneko egoera, neurriak ezartzeko kostuak, tratamenduaren izaera, irismena, testuingurua eta helburuak, baita tratamendu bakoitzari lotutako arriskuen probabilitatea eta larritasuna ere.

Interneteko beste atari batzuek bezala, webgune honek «cookie» izeneko teknologia erabiltzen du erabiltzaileen interakzioei eta webgunea erabiltzeko moduari buruzko informazioa biltzeko.

Fundación Telefónicak teknologia hori nola erabiltzen duen xehetasunez jakin nahi baduzu, hemen kontsulta dezakezu Cookieen Politika.

Fundación Telefónicak berariaz debekatzen du 14 urtetik beherako erabiltzaileek beren datu pertsonalak ematea, gurasoen, tutoreen edo legezko ordezkarien aldez aurreko baimenik gabe.

Erabiltzaile batek 14 urtetik beherako adingabe baten datu pertsonalak tratatzeko baimena ematen badu, erabiltzaile hori izango da Fundación Telefónicaren aurrean datu horien tratamendua baimentzeko eta horri buruzko erabakiak hartzeko arduraduna, Pribatutasun Politika honetan ezarritako baldintzen arabera.

Adingabe horien gurasoek, tutoreek edo legezko ordezkariek baimenik gabeko datu-tratamenduren bat antzematen badute, beren kontsultak edo erreklamazioak aurkeztu ahal izango dituzte rgpd@fundaciontelefonica.com helbidera idatziz.

Fundación Telefónicak edozein unetan eguneratu ahal izango du Pribatutasun Politika hau. Eguneratze hori, edonola ere, Fundación Telefónicak argitaratuko du, eta erabiltzaile bakoitzari zuzenean jakinaraziko zaio haren eskubideei edo askatasunei eragiten dien kasuetan.

Esaterako, interesdunaren baimena behar duen datu-tratamendu berri bat gehitzen bada, horren berri publikoki emango da, baimen hori berariaz eman beharko baita. Era berean, datuen tratamenduari eragiten dion interes legitimoaren irismena aldatzen bada, aldaketa hori zuzenean jakinaraziko zaie erabiltzaileei.

Hemen jasotako baldintzek Fundación Telefónicaren Pribatutasun Politika osatzen dute webgune honen esparruan. Politika hau dokumentu honek eta, kasu bakoitzean, aplikagarriak diren pribatutasun-baldintza espezifikoek osatzen dute. Webgune honetako “Pribatutasun Politika” atalean kontsulta daitezke Fundación Telefónicak, dagokion kasuan aldez aurreko baimena jasota, zure datu pertsonalak tratatu ahal izateko egoera eta helburu desberdinei aplikatzen zaizkien baldintza espezifikoak.

Pribatutasun Politika honetako xedapenen bat, osorik edo zati batean, eskumena duen administrazio- edo epaitegi-organo batek legez kanpokotzat, baliogabetzat edo aplikatu ezinezkotzat jotzen badu, xedapen hori ez dela jarri ulertuko da, eta horrek ez die gainerako xedapenei eragingo.

Jarraian, Fundación Telefónicak zure datu pertsonalak tratatzeko legitimazioa duen kasu bakoitzean aplikatzen diren baldintza espezifikoen berri ematen zaio erabiltzaileari.

Nor da tratamenduaren arduraduna?

Zure datu pertsonalen tratamenduaren arduraduna Fundación Telefónica da, irabazi-asmorik gabeko erakundea, G-82086810 IFZ duena eta egoitza soziala Madrilgo Gran Vía kaleko 28. zenbakian (28013 PK) duena.

Zertarako tratatuko ditu Fundación Telefónicak zure datu pertsonalak?

Fundación Telefónicak ematen dituzun datu pertsonalak webgune honetako “Harremanetarako” atalaren bidez egindako eskaera kudeatzeko eta horri dagokion erantzuna bidaltzeko baino ez ditu tratatuko.

Fundación Telefónicak zure datu pertsonalak zure eskaerari erantzuteko behar-beharrezkoa den denboran gordeko ditu. Epe hori amaitutakoan, gehienez ere bi (2) urtez gordeko ditu, sor daitezkeen legezko betebeharrei erantzuteko soilik. Epe hori igarotakoan, zure datu pertsonalak behin betiko ezabatuko dira gure sistemetatik, beste helburu baterako tratatzeko berariazko baimena eman ez baduzu.

Fundación Telefónicak ez du zure datu pertsonaletan oinarritutako profilik egingo, eta ez du haien tratamenduan oinarritutako erabaki automatizaturik hartuko.

Fundación Telefónicak egiten duen tratamenduaren legitimazio-oinarria zure aldez aurreko berariazko baimena da. Baimen hori Espainiako Fundación Telefónicaren 42 campusetako webguneetako «Harremanetarako» atalaren bidez kontsulta bidaltzeko prozesuan jasoko da.

Zure datu pertsonalak hirugarrenei lagako zaizkie?

Fundación Telefónicak zure datu pertsonalak hirugarrenei laga ahal izango dizkie soilik indarrean dagoen lege-xedapenen batek hala egitera behartzen duen kasuetan.

Edonola ere, ez da zure datu pertsonalen nazioarteko transferentziarik egingo.

Zer eskubide dituzu eta nola baliatu ditzakezu?

Zure datu pertsonalen titular zaren aldetik, eta Fundación Telefónicak tratamenduaren arduradun gisa egiten duen tratamenduari dagokionez, honako eskubide hauek baliatu ahal izango dituzu: sarbidea, zuzenketa, ezabatzea, eramangarritasuna, tratamendua mugatzea eta aurka egitea. Era berean, emandako baimena edozein unetan kendu ahal izango duzu, Pribatutasun Politika honetan azaltzen den moduan.