Lege-oharra

Webgune hau Fundación Telefónicaren titulartasunekoa da. Erakundeak G-82086810 IFZ-a du, eta Hezkuntza eta Kultura Ministerioko Fundazioen Babesletzaren Estatuko Eskumeneko Kultura Fundazioen Erregistroan inskribatuta dago, 359 zenbakiarekin. Egoitza soziala Madrilgo Gran Vía kaleko 28. zenbakian, 7. solairuan (28013 PK), dago.

Fundación Telefónicak jakinarazten dizu webgune honen helburua dela, batetik, Fundación Telefónicak sustatzen dituen jardueren berri ematea herritarrei eta, bestetik, erakundeari berari buruzko informazioa biltzeko gune izatea.

Webgune honetan eta bertan jasotako informazioan sartzeak, hura erabiltzeak edota bertan nabigatzeak Lege Ohar honetan ezarritako baldintzak onartzea dakar, eta «Erabiltzaile» izaera ematen dizu. Horregatik, edukia arretaz irakurtzea gomendatzen dizugu.

Lege Ohar honetan ezarritakoarekin ados ez bazaude, ez duzu webgune hau erabili behar.

Erabiltzaile gisa, webgunea behar bezala erabiltzeko konpromisoa hartzen duzu, aplikagarria den araudia, fede ona, ordena publikoa, Interneten ohikoak diren erabilerak eta Lege Ohar honetan ezarritakoa errespetatuz.

Fundación Telefónicarekin harremanetan jarri nahi baduzu, posta arruntaren bidez egin dezakezu, aurretik adierazitako helbidera idatzita, edo posta elektronikoz, contacto@fundaciontelefonica.com helbidera idatzita.

Fundación Telefónicak osorik betetzen du datu pertsonalen babesaren arloan indarrean dagoen legedia. Horretarako, tratatutako datuen izaera eta tratamenduaren helburuak kontuan hartuta, segurtasun-maila egokia bermatzeko beharrezko neurri teknikoak hartu ditu, teknologiaren egungo egoerarekin bat etorriz. Neurri horien helburua da datuak aldatu, galdu edo baimenik gabe tratatzea saihestea.

Webgune honetako erabiltzaileen datu pertsonalak gardentasunaren, helburua mugatzearen, datuak minimizatzearen, zehaztasunaren, osotasunaren eta konfidentzialtasunaren printzipioei jarraituz tratatuko dira. Era berean, 2016ko apirilaren 27ko Europako Parlamentuaren eta Kontseiluaren 2016/679 (EB) Erregelamenduan —pertsona fisikoak datu pertsonalen tratamenduari eta datu horien zirkulazio askeari dagokienez babesteari buruzkoan— eta abenduaren 5eko 3/2018 Lege Organikoan —Datu Pertsonalak Babesteari eta Eskubide Digitalak Bermatzeari buruzkoan— ezarritako gainerako betebeharrak eta bermeak errespetatuko dira.

Edozein datu pertsonal tratatu aurretik, honako alderdi hauen berri emango zaizu: tratamenduaren arduradunaren nortasuna, tratamenduaren helburua eta oinarri juridikoa, baliatu ditzakezun eskubideak, datuak hirugarrenei lagatzeko aukera, datuak gordetzeko epeak eta, hala badagokio, nazioarteko datu-transferentziak egingo diren ala ez. Zure datu pertsonalak bildu diren helburu zehatzerako baino ez dira tratatuko. Fundación Telefónicaren datuak babesteko indarreko politika hurrengo atalean kontsulta dezakezu.

Fundación Telefónicak bere cookieak eta hirugarrenen cookieak erabil ditzake webgune hau kudeatzeko, erabilerari buruzko informazioa biltzeko eta erabiltzailearen esperientzia hobetzeko, nabigazio-ohituren azterketaren bidez. Indarrean dagoen araudiari jarraituz, Fundación Telefónicak webgune honetan erabiltzen dituen cookie zehatzen berri emango dizu eta, gainera, horiek erabiltzeko aldez aurreko baimen informatua eskatuko dizu. Fundación Telefónicak webgune honetan cookieak erabiltzeko duen politika hurrengo estekan kontsulta dezakezu.

Fundación Telefónicaren Pribatutasun Politikari edo zure datu pertsonalen tratamenduari buruzko informazio gehiago nahi baduzu, rgpd@fundaciontelefonica.com helbidera idatz dezakezu.

Fundación Telefónica webgune honetako eduki eta elementu guztien gaineko jabetza intelektual eta industrialeko eskubideen titularra da edo, hala dagokionean, horiek erabiltzeko beharrezko lizentziak, lagapenak edo baimenak ditu. Adibide gisa, baina zerrenda mugatu gabe, webgune honetako eduki eta elementutzat hartzen dira softwarea, iturburu-kodea, datu-baseak, scriptak, irudiak, argazkiak, bideoak, eduki fonografikoak, logotipoak, zeinu bereizgarriak eta markak, baita webgune hau osatzen duen eta Jabetza Intelektualaren Legearen testu bategina onartzen duen apirilaren 12ko 1/1996 Legegintzako Errege Dekretuaren 10. artikuluaren esparruan jasota dagoen edota abenduaren 7ko 17/2001 Marken Legeak edota uztailaren 24ko 24/2015 Patenteen Legeak arautzen duen beste edozein elementu ere.

Webgune honetan sartzeak, hura erabiltzeak edota bertan nabigatzeak ez die, inola ere, erabiltzaileei baimenik ematen bertako edukiak erreproduzitzeko, publikoki komunikatzeko —jendearen eskura jartzea barne—, banatzeko edo eraldatzeko.

Hala ere, Erabiltzaile gisa eta zure erantzukizunpean, webgune honetako materialak deskargatu edo kopiatu ahal izango dituzu, betiere honako baldintza hauek betetzen badira:

• Erabilera erabat pertsonalerako izatea, eta inoiz ez irabazi-asmoz edo merkataritza-helburuekin.
• Erabilera hori Fundación Telefónicaren interes orokorreko helburuekin bateragarria izatea.
• Elementu horiek inola ere ez aldatzea. Horren barruan sartzen da edozein eduki osorik edo zati batean bereiztea edo ateratzea; esaterako, irudi batean txertatutako testua.
• Fundación Telefónicari aldez aurretik jakinaraztea.

Edonola ere, Fundación Telefónicak berariaz baimentzen ez badu, debekatuta dago hirugarrenen webguneetatik webgune honetako orri nagusia ez den beste edozein ataletara estekak edo hiperestekak jartzea.

Era berean, ezin izango da webgune honetako orri nagusirako estekarik edo hiperestekarik ezarri hirugarren baten atarian txertatuta dagoela ematen duen moduan, frame edo markoen bidez, ezta Fundación Telefónicarekin zerikusirik ez duten hirugarrenen zeinu bereizgarri, marka edo sozietate- nahiz merkataritza-izenekin batera ere.

Erabiltzaile gisa, webgune honetan sartzeko eta hura erabiltzeko erantzukizuna zurea da, baita bertako informazio eta/edo materialei ematen diezun erabilerarena ere.

Fundación Telefónicak ez du bermatzen webgune honetan sartzean edo bertako edukietan akatsik ez egotea, ezta edukiak une oro eguneratuta egotea ere. Nolanahi ere, ahal duen neurrian, akats horiek saihesteko, zuzentzeko edo edukiak eguneratzeko beharrezko ahaleginak egingo ditu.

Fundación Telefónicak ez du bermatzen webgunerako sarbidea etengabe erabilgarri egongo denik, ezta webgunea behar bezala bistaratuko denik edo bertako funtzionalitateak une oro erabilgarri egongo direnik ere.

Fundación Telefónica ez da izango Erabiltzaileak edo hirugarren batek webgune hau erabiltzeagatik, bertara sartzeagatik edota bertan nabigatzeagatik sor daitekeen ondorio, kalte edo galeraren erantzule. Era berean, ez du bermatzen webgunean edo hura ostatatzen duen zerbitzarian birusik edo bestelako elementu kaltegarririk ez egotea.

Halaber, Fundación Telefónicak ez du bere gain hartuko webgune honetan, hala badagokio, aipatzen diren hirugarrenen esteken konexioaren edo edukien ondorioz sor daitekeen erantzukizunik.

Lege Ohar hau eta bertan jasotako baldintzak Espainiako legediaren arabera arautuko dira. Fundación Telefónicak eta Erabiltzaileak, sor daitekeen edozein gatazka ebazteko, Madrilgo (Espainia) epaitegi eta auzitegien jurisdikzioaren mende jartzea onartzen dute, eta dagokien beste edozein foruri berariaz uko egiten diote.