Parerik gabeko kontzeptua
Ongi etorri 42 programazioko campusera, non konstante bakarra aldaketa den.
42 Nortasuna
Etengabeko aldaketan
42 campusa doako prestakuntza-proiektu bat da, pertsonak lan-merkatu teknologikoak eskatzen dituen lanbideetarako prestatzeko sortua.
Laster zaharkituta gera daitekeen programazio-lengoaia jakin batean zentratu beharrean, 42k autonomia garatzeko tresnak eskaintzen dizkizu. Horri esker, zure ibilbide profesionalean zehar izango diren aldaketa teknologikoei aurre egiteko gai izango zara.
Izan ere, Adimen Artifiziala hasieratik dago txertatuta 42ko Cursusean, programazioaren oinarrietatik hasi eta sistema aurreratuen garapenera arte. Ez da unean uneko joera bati jarraitzeko gehitu; gaur egungo eta etorkizuneko industria teknologikoaren parte delako baizik.
Gainera, campusean ez dituzu erabilera praktikorik gabeko ikasgaiak buruz ikasi beharko. Proiektuak garatzen arituko zara, eta beste ikasle batzuekin elkarlanean ebaluatuko dituzue.
Etorri berrikasten ikastera
42n lehen urratsak ematen dituzunetik, ordenagailuaren aurrean zeure kabuz pentsatu beharko duzu. Inork ez du espero hasieratik dena egiteko gai izatea, eta huts egiteak ez du zigorrik. Are gehiago, akatsak dira ikasteko modurik onenetako bat. 42n, huts egitea berriro saiatzeko gonbidapena da, bideo-joko batean bezala.
Aldaketetara egokitzea, arazoei irtenbide zehatzak bilatzea, taldean lan egitea eta ezagutza partekatzea dira 42 campusean garatu edo indartuko dituzun gaitasunetako batzuk.
- #42UrdulizFTef
- Urduliz Bizkaia
Mugarik gabeko ikaskuntza esperientzia.
Zuretzat interesgarria izan daiteke ere
Ohiko galderak
42 parekoen arteko ikaskuntzan oinarritzen da. Ikaskuntza-inguruneak erantzunak zeure kabuz bilatzera eta ikasten berrikastera bultzatzen zaitu; hain zuzen ere, hori da garatuko duzun gaitasunik garrantzitsuenetako bat.
Hala ere, talde pedagogiko bat dago, ikaskuntza-inguruneak behar bezala funtzionatzen duela eta pertsona guztiek aurrera egiten dutela bermatzeko.
Hori nahi baduzu, bai, noski. Litekeena da, ordea, gaitasun eta interes berriak garatzea eta mundu digitalarekin lotutako bestelako lanpostuak aurkitzea.
Teknologiak eta eraldaketa digitalak sektore guztietako enpresa eta erakundeei eragiten diete. Gainera, arlo horretako lanpostuak diziplina anitzekoak izan ohi dira.
Ikasleek elkarrengandik ikasten duten hezkuntza-eredua da. Elkarlanean aritzen dira, erronkak partekatu eta gainditzen dituzte eta, batez ere, elkarren lana ebaluatzen dute.
Prestakuntza osatzeak mundu digitaleko lanpostu askotarako ateak irekiko dizkizu: startupetatik hasi eta mundu mailako enpresa handietaraino, gaur egun dauden lanpostuetan nahiz oraindik sortzeke daudenetan.
Bilatu Interneten “mundu digitaleko lanpostuak”, eta ikusiko duzu zenbat aukera dauden. 42n ikasten berrikasten duzu, lan-merkatuan aurkituko duzun edozein erronkari aurre egiteko.
Ikasteko modu honetan, gai bati buruzko ezagutzak sakontzen dira benetako egoeretako arazo eta erronkei aktiboki helduz. Jarraibideak bete eta edukiak buruz ikasi beharrean, praktikan arituz eta modu kritikoan pentsatuz ikasten da.
42n ez dugu arazo zehatz bat konpontzen edo tresna jakin bat erabiltzen soilik irakasten. Ikasketa-plana erabiltzen dituzun tresnak ulertzeko eta haien funtzionamendua ezagutzeko diseinatuta dago.
Prestakuntza amaitzean, arazo konplexuei irtenbideak bilatzeko gai izango zara. Horretarako, pentsamendu kritikoa eta talde-lana garatuko dituzu, baita ezagutza bilatzeko eta besteekin partekatzeko gaitasuna ere.
42ko metodoa ez dago teknologia jakin bati lotuta, teknologia etengabe aldatzen baita. Zure ibilbide profesional osoan erabilgarriak izango diren gaitasunak garatzea eta eguneratuta mantentzea da gure programaren helburuetako bat.
Ikasleek elkarren proiektuak ebaluatzen dituzte, talde pedagogikoak emandako ebaluazio-orria eta irizpide orokorrak erabiliz.
Proiektuaren egileak bere kodea azaldu beharko dio ebaluatzaileari, hark ulertzeko moduan, nahiz eta ebaluazioa egin aurretik proiektua ez ezagutu. Emaitza kodearen funtzionamenduaren eta egindako lana azaltzeko gaitasunaren araberakoa izango da.
Bai. Cursusak nahitaezko bi praktikaldi ditu.
Lehenengoa “Common Core”-a gainditu ondoren egin behar da. Edozein enpresatan eta edozein lanpostu edo profiletan egin daiteke, enpresa teknologiko batean, startup batean edo beste mota bateko erakunde batean.
Bigarren praktikaldia, berriz, teknologiarekin eta 42n eskuratutako ezagutzekin lotutako lanpostu batean egin behar da nahitaez.
Ikasle bakoitzak erabakiko du praktikak zer enpresatan eta noiz egin.
Piscinea gainditu ondoren, ikasle guztiek 42 sareko campus guztietan berdina den oinarrizko etapa —”Common Core”— egiten dute. Ondoren, espezializazio teknikoaren etapa dator.
Ikaskuntza-ibilbideak 21 maila ditu.
“Common Core” izeneko lehen zatia proiektuak eta azterketak dituzten zazpi mailatan antolatuta dago. Bertan, batez ere, C, Python eta JavaScript lantzen dira. Azken maila gainditu ondoren, enpresa batean lehen esperientzia profesionala izateko aukera izango duzu. Hortik aurrera, zuk erabakiko duzu noiz egin.
Bigarren zatian, berriz, zuk aukeratutako espezializazio teknikoak landuko dituzu. Besteak beste, zibersegurtasunari, web-garapenari, programazioari, AAri(adimen artifizialari), blockchainari eta DevOpsi buruzko edukiak aurkituko dituzu. Eduki horiek etengabe eguneratzen dira, sektore teknologikoaren bilakaerara egokitzeko.
Prestakuntza-ibilbidea osatzeko beharrezko praktikak aurkitzea ikaskuntza-prozesuaren funtsezko zatia da.
Campusetik, ezagutzak eskuratzeko, konfiantza irabazteko eta enpresa zein erakundeekin harremanetan jartzeko aukerak eskaintzen ditugu, hitzaldien, tailerren eta bestelako ekitaldien bidez.
Azken erabakia hartzea eta erronkari heltzea, ordea, ikasle bakoitzaren ardura da.
