EZAGUTU 42
SAIA ZAITEZ
42 Urduliz Bizkaian hainbat ekimen antolatzen ditugu, campusa ezagutu eta gure ikaskuntza-metodologia bertatik bertara probatzeko aukera izan dezazun.
EZAGUTU 42
ATE IREKIEN JARDUNALDIAK
Campuseko instalazioak bisitatu eta ezagutzeaz gain, 42ko metodologia bertatik bertara ezagutzeko aukera izango duzu. Horretarako, programazioarekin lotutako hainbat erronkari egin beharko diezu aurre, zure gaitasun digitalak eta taldean aritzeko trebetasunak erabiliz.
Ez duzu programazioari buruzko aurretiazko ezagutzarik behar. Baldintza bakarra 18 urte edo gehiago izatea eta ikasten ikasteko gogo handia izatea da.
42 TAILERRAK
Hiru orduko esperientziak dira, eta teknologiaren mundua zuretzat ote den probatzeko, esperimentatzeko eta ezagutzeko aukera izango duzu. Hori guztia 42ko metodologia berritzailearen bidez: eskolarik gabe, eginez ikasiz eta komunitatearen babesean.
Gure ekimenek programazioaren eta teknologiaren hainbat arlo jorratzen dituzte, hala nola Adimen Artifiziala eta zibersegurtasuna.
- #42UrdulizFTef
Mugarik gabeko hezkuntza-esperientzia
Ohiko galderak
Prestakuntza osoak lau urte eta erdi iraun dezake gehienez. Lehenengo etapak, “Common Core” izenekoak, 12 eta 18 hilabete artean irauten du.
42ko prestakuntza intentsiboa da; horregatik, ez da gomendagarria lanaldi osoko lana eta prestakuntza uztartzea. Lanaldi partzialeko lana bateragarriagoa izan daiteke, baina antolaketa eta diziplina pertsonal handia eskatzen ditu.
Ez da diplomarik, aurretiazko prestakuntzarik edo espezializazio-ikastarorik behar 42ko ikasle izateko.
42k ez du Espainiako prestakuntza arautuaren sistemako titulazio akademiko ofizialik ematen. Hala ere, espezializazioko proiektu jakin batzuk osatzen dituzten ikasleek RNCP —Répertoire National des Certifications Professionnelles— ziurtagiria eskuratu ahal izango dute.
Frantziako Gobernuko Lan Ministerioak ofizialki aitortutako lanbide-ziurtagiria da, eta Europa osoan du balioa, Europako Kualifikazioen Esparruaren bidez.
Bai, noski! 42ko metodologia gure ate irekien jardunaldietan edo Open Dayetan ezagutu ahal izango duzu. Horrez gain, Piscine Discovery Web esperientziaren bidez, bost egunez eta presentzialki ezagutu ahal izango duzu campusean nola ikasten den.
Informazio guztia hemen duzu eskuragarri.
Bai. Hala ere, 42k ez du urrutiko prestakuntzarik eskaintzen. Hautaketa-prozesua eta ikasketa-plan osoa presentzialki egin behar dira campusean.
42k ez du bisarik izapidetzen edo ematen. Interesa duten pertsonek dagokien enbaxadan edo kontsulatuan eskatu beharko dute informazioa.
Nazioarteko hautagaiek gure taldearekin harremanetan jar daitezke onarpen-plataformaren bidez, Piscinean parte hartzeko gonbidapen-gutuna eskatzeko.
Campusean gaztelania eta euskara erabiltzen da batez ere. Hala ere, oinarrizko ingeles-maila izatea gomendatzen da, ikaskuntza errazteko.
42ko prestakuntza guztiz doakoa da. Ez dago ezkutuko kosturik, ez prestakuntzan zehar, ezta amaitu ondoren ere.
42 Urduliz Bizkaiako prestakuntza Fundación Telefónicak eta Bizkaiko Foru Aldundiak finantzatzen dute.
Urdulizen bizi ez bazara, ostatua eta eguneroko gastuak —garraioa, otorduak eta abar— zeure gain hartu beharko dituzu. 42ko prestakuntza, berriz, guztiz doakoa da ikasle guztientzat.
