2027ko PISCINEA
Programatzen hutsetik ikasi nahi duzu? Edo dagoeneko badituzu ezagutzak eta hurrengo mailara eraman nahi dituzu? 42 Urduliz Bizkaian, modu praktikoan, elkarlanean eta zure erritmora egokituta ikasteko aukera duzu.
2027ko lehen Piscinea urtarrilaren 25etik otsailaren 19ra egingo da, eta izena emateko epea zabalik dago dagoeneko.
Eman izena eta hasi zure ibilbidea 42n!
Zer da 42 Urduliz Bizkaiko Piscinea?
Piscinea gure aurrez aurreko hautaketa-prozesua da. 26 egunez, programazio-erronkei aurre egin beharko diezu egunero, eta 42ren ikaskuntza-metodologia bertatik bertara ezagutzeko aukera izango duzu: klaserik eta irakaslerik gabe, proiektuen eta talde-lanaren bidez ikasiz.
Esperientzia bizia da, eta dedikazioa, konstantzia eta konpromisoa exijitzen ditu. Ez duzu programazioari buruzko aldez aurreko ezagutzarik behar, baina bai ikasteko gogoa, beste pertsona batzuekin lan egiteko gaitasuna eta zure erosotasun-eremutik ateratzeko prestasuna.
Parte hartzeko, gure hautagaitzen sitean izena eman eta online bi joko gainditu besterik ez duzu egin behar. Joko horiek gure ate irekien jardunaldietako batean ere egin ditzakezu.
18 urte badituzu edo 2027an beteko badituzu, izena eman dezakezu!
Ikasi etorkizuneko teknologia sortzen
Piscinea gainditzea hasiera besterik ez da. Hortik aurrera, 42ren ikasketa-planera, Cursus izenekora, sartzeko aukera izango duzu. Ikaskuntza-ibilbide praktiko eta kolaboratiboa da, eta zure gaitasun teknologikoak zure erritmora garatzeko aukera emango dizu.
Lehen etapa Common Core da, 12 eta 18 hilabete arteko oinarrizko prestakuntza komuna. Bertan, programazioaren oinarri sendoak eskuratuko dituzu, C, JavaScript eta Python bezalako lengoaiekin lan eginez. Horrez gain, Adimen Artifiziala (AA), RAG sistemak eta agente adimendunak ere aztertuko dituzu.
Etapa hori amaitutakoan, gehien interesatzen zaizkizun arloetara bideratu ahal izango duzu zure prestakuntza: Adimen Artifiziala eta Big Data, Zibersegurtasuna, Web eta Mugikorretarako Garapena, DevOps, bideojokoak eta beste hainbat esparru.
Baina 42n ez dugu nahi Adimen Artifiziala erabiltzera mugatzea. Ulertzen, garatzen eta hobetzen ikastea nahi dugu.
Izan ere, enpresek ez dituzte AA tresnak erabiltzen dakiten pertsonak bakarrik behar, baita tresna horien atzean dauden sistemak, aplikazioak eta soluzio teknologikoak sortzeko gai diren profesionalak ere.
42n teknologia garatzen, arazoak konpontzen eta etengabe aldatzen ari den sektore batera egokitzen ikasiko duzu. Helburua ez da soilik etorkizuneko teknologia erabiltzeko prestatzea, baizik eta haren sorkuntzan parte hartzea.
Ezagutu gure ikasketa-plana eta espezializazio guztiak.
Zalantzarik duzu? Zatoz gu ezagutzera!
Piscineari, gure metodologiari edo 42 Urduliz Bizkaian sartzeko moduari buruz gehiago jakin nahi baduzu, hainbat aukera dituzu:
- Gure ate irekien jardunaldietako batean parte hartzea.
- 42urduliz@fundaciontelefonica.com helbidera idaztea.
- Gure sare sozialen bidez gurekin harremanetan jartzea.
Eta gogoratu: 42 Urduliz Bizkaia aurrez aurreko programazio-campusa da, % 100 finantzatua, irakaslerik eta ordutegirik gabea.
Hurrengo Piscinea urtarrilaren 25ean hasiko da. Animatuko zara?
