Urriaren 10ean eta 11n, lehen aldiz izango gara Mangamoren, Zornotzako manga, anime, bideojoko eta japoniar kulturaren jaialdian. Bertan izango dugun standean, programazioaren atzean dauden aukera mordoa ezagutu ahal izango dituzu.
Izan ere, hainbeste gustatzen zaizkizun bideojokoak, egunero erabiltzen dituzun aplikazioak eta adimen artifizialaren azken berrikuntzek badute zerbait komunean: kodea. Eta zuk ere ikas dezakezu kodea sortzen.
Zer aurkituko duzu gure standean?
Mangamoren, 42 Urduliz Bizkaian nola ikasten den erakutsi nahi dizugu, baina, batez ere, ikasitakoarekin zer egiteko gai izan zaitezkeen.
Gure ikasleek sortutako proiektuetako batzuk ezagutzeko aukera izango duzu, baita gure prestakuntza-programaren berri izateko eta ohiko hezkuntza-ereduarekin hausten duen metodologia bat gertutik ezagutzeko ere.
Klaserik gabe? Bai. Irakaslerik gabe? Hori ere bai. 42n erronkak gaindituz, ezagutzak partekatuz eta taldean lan eginez ikasten dugu, bakoitzak bere erritmoan eta jokoetan oinarritutako metodologia baten bidez.
Eta onena? Ez duzu programazioari buruzko aurretiazko ezagutzarik behar, eta prestakuntza % 100 finantzatuta dago.
Zure hurrengo abentura hemen has daiteke
Bideojokoen garapena, adimen artifiziala, zibersegurtasuna, web garapena… Programazioak aukera ugari zabaltzen ditu, eta 42 Urduliz Bizkaian horiek guztiak esploratzen has zaitezke.
Fundación Telefónicak eta Bizkaiko Foru Aldundiak sustatutako eta % 100ean finantzatutako proiektua gara, ikasteko, esperimentatzeko eta teknologiaren arloan duten talentua garatzeko gogoa duten 18 urtetik gorako pertsonei zuzendua.
Urriaren 10ean eta 11n, utzi pantaila alde batera une batez eta hurbildu gure standera! Zatoz gu ezagutzera, ikusi gure ikasleek zer sortzen dutena eta galdetu jakin nahi duzun guztia.
Nork daki… Agian Mangamoren hasiko da zure hurrengo abentura teknologikoa!
